ಮಂಗಳವಾರ, ಜುಲೈ 29, 2008

ನಗು ಅತ್ತ ದಿನ...(ಪುಟಾಣಿ ಕತೆ-2)

ಅದೊಂದು ದಿನ...
ನಗು ಅತ್ತಿತು.
ಅದನ್ನು ನೋಡಿ ಅಳು ಗಾಬರಿಯಾಗಿ ನಕ್ಕಿತು.

ಒಂದೇ ದಿನದೊಳಗೆ ಇಡೀ ಜಗತ್ತು ಬದಲಾಯಿತು.
ಜನ ನಗುವಲ್ಲೆಲ್ಲ ಅಳತೊಡಗಿದರು.
ಅಳುತ್ತಿದ್ದವರೆಲ್ಲ ನಗಲು ಶುರು ಮಾಡಿದರು.

ಮಾಷ್ಟ್ರು ಹುಡುಗನಿಗೆ ನಾಲ್ಕರ ಮಗ್ಗಿ ತಪ್ಪು ಹೇಳಿದ್ದಕ್ಕೆ ಅಡಿಕೊಲಿನಿಂದ ಗಂಟಿಗೆರದು ಕೊಟ್ಟರು. ಹುಡುಗ ಜೋರಾಗಿ ಗಳಗಳನೆ ನಕ್ಕ.
ಚರ್ಚಿನ ಕನ್ೞೆಶನ್ ಬಾಕ್ಸ್ ನಲ್ಲಿ ಪಾದ್ರಿಗಳಿಗೆ ನಗು ನಗುತ್ತ ದುಃಖ ತೋಡಿಕೊಳ್ಳುವವರು ಕಂಡು ಬಂದರು. ಕಾಮಿಡಿ ಸೀರಿಯಲ್ಲುಗಳು ಧಿಡೀರನೆ ನಿಂತು ಹೋದವು.
ಲಾಫಿಂಗ್ ಕ್ಲಬ್ಬುಗಳ ತುಂಬಾ ಹ್ಹಹ್ಹಹ್ಹ ಬದಲು ಅಳುವವರ ಆಕ್ರಂದನ ಮುಗಿಲು ಮುಟ್ಟಿತು.

ಸತ್ತಾಗ ಜನ ನಗತೊಡಗಿದರು.
ಮಗು ಹುಟ್ಟಿದಾಗ ಅಳತೊಡಗಿದರು.
ಸತ್ತ ಹೆಣದ ಮುಂದೆ "ಹ್ಹ...ಹ್ಹ...ಹ್ಹೆಹ್ಹೆ ...ಹ್ಹಹ್ಹ... ಹೋಗ್ಬಿಟ್ಟೆಯಲ್ಲಪ್ಪಾ" ಅಂತ ಹೌಸ್ಫುಲ್ ನಗು.

ಇದನ್ನೆಲ್ಲಾ ನೋಡಿ ಸಿಕ್ಕಾಪಟ್ಟೆ ಕನ್ಫ್ಯೂಸ್ ಆದದ್ದು ಸಾವಿಗೆ.
ಜನ ಸಾಯುವಾಗ ನಗುತ್ತಾರೆ ಅಂತ ತಿಳಿದಾಕ್ಷಣ
ಸಾವು ಅಳಲು ಶುರು ಮಾಡಿತು!!
ಹಾಗೂ
ಅದು ನಿಜವಾಗಲೂ ಅತ್ತಿತು!!

5 ಕಾಮೆಂಟ್‌ಗಳು:

Harisha - ಹರೀಶ ಹೇಳಿದರು...

ಹಹ್ಹ.. ಚೆನ್ನಾಗಿದೆ ಕಲ್ಪನೆ :'-(

Sushrutha Dodderi ಹೇಳಿದರು...

ಇದ್ನ ಓದಿ ಸಿಕ್ಕಾಪಟ್ಟೆ ಕನ್‍ಫ್ಯೂಸ್ ಆಗಿದ್ದು ನಂಗೆ!! :O

mala rao ಹೇಳಿದರು...

ಹೇ ಚೆನ್ನಾಗಿದೆ
ಓದಿ ನಸು ನಗು ಬಂತು...

Shyam Sajankila ಹೇಳಿದರು...

Hi Karthik,
Very mice concept...Amazing thinking.
I really liked it. Probably much more than any of your previous writings...!!!
Good luck
Shyam

ಅನಾಮಧೇಯ ಹೇಳಿದರು...

Hi! KARTHIK
It was fun reading all ur writings especially this particular writeup.Keep writing ...........man..........